قاتو للسهرية

قاتو للسهرية 4 عضم تركضهم مع 7 مغارف سكر و 1 سكر فانيلا و نكتة روح الفانيلا حتى يبياض الخليط يولي كريمي تزيدهم زبدة ذايبة 8 مغارف اكل ذايبة راو سائلة و كعبة ياغرت ممزوج و تركض و تزيدهم اخيرا 1 خميرة قاتو و 7 مغارف فرينة معبين تدهن مول بالزبدة بالباااهي و تدخل لفور سخون من بكري نار هادية ... اعمل مول صغيرة بش تجيك عالية 20صم باهي .. تبرد جملة و بعد تخرجها تقسمها في 2 ... الحشو: 100مل حليب بارد 1 شانتي تركضهم لين تيبس تزيد نغرفة معبية نوتيلا و مغرفتين معبين كاكاو خام... الزينة من فوق 4طوابع شكلاطة مغرفتين زبدة مكومين مغرفة زيت و 3 مغارف حليب يبرد شوية الخليط و صبو... و زينت بكعبات بندق و صحة... انا ماصبرتش بش الخليط الوسطاني يشد روحو في الثلاجة خير بش يكون ازين... اما الشكلاطة بعد ماتحطها متدخلش للثلاجة تيبسلك... بنييينة برشا