سوفلي

المكونات:

للعجين كيلو فرينة 250غ زبدة أو مرغرين طرية 2 مغارف أكل خميرة 2 مغارف سكر بيضة ملح 20غ أو مغرفة أكل ممسوحة ماء دافيء

التحضير:

الحشو

- صلصة الطماطم

رطل طمام ، بصلة، راس ثوم،القليل من الزيت، الملح، فلفل أكحل، كمون، هريسة، ورقة الرند

نحطوهم على النار دون إضافة الماء و لما يطيب كل شي ننزع ورقة الرند ثم نضيف ملعقة كبيرة طماطم مصبرة و نعيد الخليط على النار لمدة قصيرة

- لحم مرحي أو اسكالوب حوالي 300 غ نحطوه في مقلاة على النار و نضيف له بصلة مقصوصة و القليل من الملح و الفلفل الأسود و قطرة من عصير الليمون مع التحريك المستمر حتى يجف منه كل الماء اللي فيه

-زيتون منزوع النواة نغسلوه و نقطعوه

-جبن مرحي

كما يمكن إضافة أي شيء آخر نحبوه

التحضير

العجينة

نخلط الفارينة و الملح و السكر و الخميرة و نضيف الزبدة الطرية و نحكها مليح بين يدينا حتى تدخل في الفارينة ثم نضيف البيضة و من بعد الماء الدافيء الضروري حتى نتحصل على عجينة

نقسم العجينة بواسطة سكين و لازم تكون من الداخل كلها ثقوب (كـ جبن القرويار )

من بعد نعاود نلمها ، نغطيها و نخليها تخمر في مكان دافيء،حوالي 20 دق إلى نصف ساعة

بعد التخمير نقسموها إلى كريات في حوالي 60غ

و فوق سطح مرشوش بالفرينة نحلها بالقلقال

و نحط في وسطها الحشو المكون من صلصة الطماطم نرشوا فوقها اللحم المرحي ثم الزيتون المقطع و في الخير رشة جبن مبشور

و ندهن الجوانب بالقليل من البيض

ندهن السوفلي بالبيض و نزين بحبة زيتون كما ممكن إضافة الجلجلان أو السانوج

و نوضعوهم في صحن الفرن مدهون و مرشوش بالفرينة

ثم تطهى في فرن درجة حرارة 200 درجة مئوية لمدة 25 دقيقة